உப்பின் அளவை குறைத்தாலும் சர்க்கரை நோயை விரட்டியடிக்க முடியும்

நீரிழிவு நோய் எனப்படும் சர்க்கரை நோய் இன்றைய எந்திர வாழ்க்கை முறையிலும், உணவு பழக்க வழக்கங்களாலும் நீக்கமற நிறைந்த ஒன்றாக ஆகிவிட்டது.

முறையான உணவு பழக்கம் மற்றும் உடற்பயிற்சியின்மையே சர்க்கரை நோய்க்கு முக்கிய காரணமாக கூறப்படுகிறபோதிலும், சர்க்கரை நோய் தாக்குதலுக்கு ஆளானவர்கள், தாங்கள் எடுத்துக்க்கொள்ளும் உணவில் உப்பின் அளவை குறைத்தாலும் சர்க்கரை நோயை விரட்டியடிக்க முடியும் என்று ஆய்வு ஒன்றில் தெரியவந்துள்ளது.

இது தொடர்பாக டைப் 1 அல்லது டைப் 2 ஆகிய ஏதாவது ஒன்றின் பாதிப்புடைய சர்க்கரை நோயாளிகள் 254 பேரிடம் மேற்கொள்ளப்பட்ட 13 விதமான ஆய்வுகளில் இது தெரியவந்துள்ளது.

இந்த ஆய்வுக்கு உட்படுத்தப்பட்டவர்கள் சராசரியாக ஒரு வார காலத்திற்கு,தாங்கள் தினமும் எடுத்துக்கொள்ளும் உணவில் உப்பின் அளவை வெகுவாக குறைத்துக்கொள்ளுமாறு கேட்டுக்கொள்ளப்பட்டு, இதனால் அவர்களது ரத்த அழுத்தம் எந்த அளவுக்கு தாக்கத்திற்கு உள்ளாகிறது என்று ஆய்வு செய்யப்பட்டது.

இந்த ஆய்வில் பல ஆச்சரியமான முடிவுகள் தெரியவந்ததாக கூறுகிறார் இந்த ஆய்வுக் குழுவில் இடம்பெற்ற ரெபேக்கா சக்ளிங்.இந்த சர்க்கரை நோயாளிகள் அனைவரும் உடம்பின் திசுக்களுக்கு பிராணவாயுவையும், சத்துக்களையும் கொண்டு செல்கிற பணியை செய்கிற இருதயம் மற்றும் ரத்தக்குழாய்க்கு இடையேயான ரத்த ஓட்ட இயக்கத்தில் எந்த நேரத்திலும் ஆபத்தை எதிர்கொள்ளக்கூடிய ஆபத்தில் இருந்தவர்கள் ஆவர்.

ஆனால் இவர்கள் ஆய்வின்போது தினமும் மிதமான அல்லது மிகக் குறைந்த உப்பை எடுத்துக்கொண்டதால், அவர்களது உயர் ரத்த அழுத்தம் குறைந்து, மேற்கூறிய ஆபத்திலிருந்து அடியோடு விடுபட்டதை தாங்கள் ஆச்சரியத்துடன் கண்டறிந்ததாக கூறுகிறார் ரெபேக்கா சக்ளிங்.

இந்திய மக்களை பன்னாட்டு மருந்து உற்பத்தி நிறுவனங்கள் தங்களது மருத்துவ ஆய்வின் எலிகளாய் பயன்படுத்தி வருகிறது

பொதுவாக எந்தவொரு புதிய மருந்தை ஆய்வு செய்து கண்டுபிடித்தாலும் அதனை எலிகளுக்கோ அல்லது கினியா பன்றிகளுக்கோ கொடுத்து பரிசோதனை செய்துவிட்டு அதன் பிறகு மனித பயன்பாட்டிற்கு உகந்ததா என்று நிறுவனங்கள் கண்டுபிடிக்கும். ஆனால் இன்றைய புதிய டிரெண்ட் என்னவெனில் ஏழை இந்திய மக்களை பன்னாட்டு மருந்து உற்பத்தி நிறுவனங்கள் தங்களது மருத்துவ ஆய்வின் எலிகளாய் பயன்படுத்தி வருகிறது என்பதே.

2008ஆம் ஆண்டு முதல் 2010ஆம் ஆண்டு வரை இந்தியாவில் பன்னாட்டு நிறுவனங்கள் மனிதர்களை வைத்து மேற்கொண்ட பரிசோதனைகளில் 1,593 பேர் உயிரிழந்துள்ளனர். இது சுகாதாரச் சேவைகள் இயக்ககம் கொடுக்கும் புள்ளி விவரங்கள் ஆகும்.

'கிளினிக்கல் ட்ரையல்' என்று அழைக்கப்படும் இத்தகைய அறமற்ற சோதனைகளுக்கு நம் அரசாங்கம் அனுமதி வழங்கியது ஏன்? எப்படி? எதற்காக?

இந்த மருந்துப் பரிசோதனைகளில் 2008ஆம் ஆண்டு 288 பேரும், 2009ஆம் ஆண்டில் 637 பேரும், 2010ஆம் ஆண்டில் 668 பேரும் பலியாகியுள்ளனர்.

பலியானோருக்கான இழப்பீடு இதுவரை 22 பேருக்கு மட்டுமே கொடுக்கப்பட்டுள்ளது.

எப்படி உயிரிழப்பு ஏற்படுகிறது என்றால், ஒரு புதிய மருந்தை புற்றுநோய்க்காக ஒரு நிறுவனம் ஆய்வு செய்து கண்டுபிடித்துள்ளது என்றால் அது மனித உடலில் எவ்வாறு பலனளிக்கிறது என்பதற்கான எந்த ஆதரங்களும் இல்லை. அதனால் மனிதர்களை வைத்தே சோதனை நடத்தி விட்டால்? என்ன ஆகும்? பக்கவிளைவுகளால் மரணம் ஏற்படுகிறது.

உலகில் மரணம் என்ற ஒன்றே இல்லாமல் செய்து விடுவோம் என்று மருத்துவ சகோதரத்துவம் போட்டிபோட்டிக் கொண்டு 'தமாஷ்' சூளுரைகளை முன் வைத்து வரும் அதே வேளையில் மரணத்தை ஒழிக்கும் 'மிருத் சஞ்ஜீவனி'யே ஆட்களைக் கொல்லும் வேதனையை என்ன சொல்வது?

2008ஆம் ஆண்டு டெல்லியில் உள்ள எய்ம்ஸ் (ஆல் இந்தியா இன்ஸ்டிட்யூட் ஆஃப் மெடிகல் சயன்சஸ்) மருத்துவமனையில் இதுபோன்ற மருந்துச் சோதனையில் 49 குழந்தைகள் உயிரிழந்தன. குழந்தைகள் நோய்ப்பிரிவிலிருந்து 4,142 குழந்தைகள் இந்த ஆய்வுப் பரிசோதனையில் ஈடுபடுத்தப்பட்டனர்.

இந்த குழந்தைகள் சாவுக்கு அந்த மருத்துவமனை கூறிய பதில்: 'ஏற்கனவே இந்த குழந்தைகளுக்கு இருந்த வியாதியால் இறந்தன'! ஏற்கனவே நோய் இருந்த குழந்தைகளை ஏன் கிளினிக்க ட்ரையலில் சேர்க்கவேண்டும்? முதலில் குழந்தைகளை வைத்து இது போன்ற மரணப்பரிசோதனை செய்ய யார் அனுமதி வழங்கியது?

ஒருவரை இதுபோன்ற மருத்துவ ஆய்வுக்கு சம்மதிக்க வைத்தும் நடைபெறுகிறது. அதாவது அவரிடம் உண்மைகளைக் கூறாமல் நைச்சியமாக அவரது உடலை பயன்படுத்திக் கொள்வது. அல்லது முக்கால்வாசி சம்மதம் பெறாமலேயே ஆய்வில் உள்ள மாத்திரைகளை, மருந்துகளை கொடுப்பது. பணத்தாசை காட்டியும் இதுபோன்ற செயல்களுக்கு சம்மதம் வாங்குவதும் பன்னாட்டு நிறுவனங்களுக்கு கைவந்த கலைதான்.

'இன்னைக்கு நம்ம வீட்டுல மீன் குழம்பு

புருஷன் டாக்டர்கிட்ட போய், 'டாக்டர், என் பொண்டாட்டி எது சொன்னாலும் சரியாவே காதுல வாங்க மாட்டேன்கிறா, அவளுக்கு காது கேக்குதா இல்லையான்னு எப்படி தெரிஞ்சிக்கிறது?' என்று கேட்டான்.

டாக்டர், 'நான் சொல்றபடி செஞ்சி பாருங்க, தூரமா நின்னுட்டு உங்க பொண்டாட்டிகிட்ட ஏதாச்சும் கேட்டு பாருங்க. அவங்க பதில் சொல்லலைன்னா இன்னும் கொஞ்சம் கிட்ட போய் கேளுங்க.

அப்பவும் பதில் சொல்லலைன்னா இன்னும் கிட்ட போய் கேளுங்க.

அப்படியே செஞ்சிட்டு இருந்தீங்கன்னா அவங்களுக்கு எவ்ளோ தூரம் காது கேக்கலைன்னு நீங்க தெரிஞ்சிக்கலாம்' என்றார்.

புருஷனும் வீட்டுக்கு வந்து அதே மாதிரி முயற்சித்து பார்த்தான்.
வாசப்படியிலியே நின்னுகிட்டு, 'டார்லிங்.. இன்னைக்கு என்ன சமையல்' என்று கேட்டான்.

பதில் ஏதும் வராததால் உள்ளே நுழைந்து ஹாலில் நின்று கொண்டு, 'டார்லிங்.. இன்னைக்கு என்ன சமையல்' என்று கேட்டான்.

அப்பவும் பதில் ஏதும் வராததால் படுக்கை அரை வாசலில் நின்று கேட்டான். அப்பவும் பதில் வராததால் கிச்சன் வாசலில் நின்று கொண்டு கேட்டான்.

அப்பவும் பதில் இல்லாததால் கிச்சனுக்குள் நுழைந்து பொண்டாட்டி காதுக்கு அருகில் சென்று, 'டார்லிங்.. இன்னைக்கு என்ன சமையல்'என்று கேட்டான்.

அதுக்கு அவள் அவன் காதுக்கு அருகே வந்து, 'இன்னைக்கு நம்ம வீட்டுல மீன் குழம்புன்னு பத்து தடவை சொல்லிட்டேன்.. உங்க காதுல விழலையே.. டாக்டர்கிட்ட உங்க காதை காமிங்கன்னு எத்தனை தடவை சொல்றது..' என்று சொன்னாள்.

குழந்தைகளுக்கான இணையதளங்கள்

தங்களது குழந்தைகளை நல்ல பண்புகளுடன் உருவாக்குவதே இன்றைய பெற்றோர்களின் சிறந்த கனவாக உள்ளது. நம் வாழ்க்கையுடன் ஒன்றிவிட்ட கணணியும், இணையமும் இதற்குப் பல வழிகளைத் தருகிறது. ஒரு நல்ல கணணியும், அதற்கான பிராட்பேண்ட் இணைப்பும் இருந்தால் குழந்தைகள் தங்கள் நேரத்தை நல்ல வழிகளில் பயன்படுத்த பெற்றோர்கள் துணைபுரியலாம். குழந்தைகளுக்கு விளையாட்டு என்பது அவர்களின் இயற்கையோடு இணைந்த ஒன்று. அதன் வழியாகவே அவர்களின் மன வளர்ச்சியை நல்ல முறையில் உருவாக்கலாம். உலக விஷயங்களைக் கற்றுக் கொடுக்கலாம். அதற்கென உள்ள பல இணையதளங்கள் உள்ளன. 1. கல்வி விளையாட்டுக்கள், வேடிக்கையான கேம்ஸ், ஆசிரியர்களுக்கும் பெற்றோர்களுக்குமான தகவல்கள், கலை அம்சம் நிறைந்த பலவற்றிற்கு 20 ஆயிரத்திற்கு மேலான இணைய தொடர்புகள், வண்ணம் தீட்டி பழக தளங்கள், கணக்கு பழக பயிற்சிகள் மற்றும் தரவிறக்கம் செய்து வைத்து விளையாட கேம்ஸ் என அனைத்து வகைகளிலும் குழந்தைகளுக்கான இணையக் களஞ்சியமாக இயங்குகிறது http://www.links4kids.co.uk/ என்ற முகவரியில் உள்ள தளம். 2. நூற்றுக்கணக்கில் இன்டர்நெட் இணைப்பில் விளையாட கேம்ஸ், கார்டூன், மூவி கிளிப்கள், மியூசிக் வீடியோ, புதிர்கள், கற்பனைத் திறனை ஊக்கப்படுத்தும் செயல்பாடுகள், பக்கங்களுக்குக் கலர் தீட்டுதல், பாதுகாப்பான வழிகளில் இணையத் தேடல் என வேடிக்கை விளையாட்டுக்களையும் கல்வி கற்றலையும் இணைத்து தருகிறது http://alfy.com/ என்ற முகவரியில் உள்ள இணைய தளம். 3. http://www.surfnetkids.com/ என்ற தளத்தில் பல்வேறு வித்தியாசமான கேம்ஸ், வேடிக்கை விளையாட்டுக்கள், குழந்தைகளுக்கான தகவல்கள், ஆசிரியர்கள் மற்றும் பெற்றோர்கள் குழந்தைகளுக்குக் கற்றுத் தர விரும்பும் விஷயங்கள், நினைவாற்றலை வளர்க்கும் விளையாட்டுக்கள் எனப் பல வகைகளில் குழந்தைகளுக்கான அனைத்து விஷயங்களும் வித்தியாசமான முறையில் தரப்பட்டுள்ளன. 4.குழந்தைகளுக்கு கணக்குகளைத் தந்து அவர்களின் சிந்திக்கும் திறனை வளர்க்கும் தளமாக விளங்குகிறது http://www.coolmath4kids.com/ உலக அளவில் இது சிறந்த தளம் என்ற பாராட்டினைப் பல அமைப்புகளில் இருந்து பெற்றது. குழந்தைகளுக்கு கூட்டல், கழித்தலில் தொடங்கி அல்ஜிப்ரா, பின்னங்கள், டெசிமல் கணக்குகள் என கணக்கின் அடிப்படையையும் அதன் தொடர்பான பிறவற்றையும் கற்றுத்தரும் பல தளங்கள் இணையத்தில் உள்ளன. இவை அனைத்தும் கணக்கியலை விளையாட்டுக்கள் மூலமும் புதிர்கள் மூலமும் கற்றுத் தருகின்றன.

எப்படி எனக்கு கண்ணு தெரியும்?

மனோதத்துவ டாக்டர் ஒருவரிடம் அறுபது வயதான பெரியவர் தன் மன நிலை சரியாத தான் இருக்கிறதா என்று செக் செய்து கொள்ள சென்றார்.

அவரை பரிசோதித்த டாக்டர் அவரிடம் மனநிலை சரியாக இருக்கிறதா என்பதை கண்டுபிடிக்க சில கேள்விகளை கேட்க ஆரம்பித்தார்..டாக்டர்:- நான் உங்களோட வலது காதை வெட்டி எடுத்துட்டா என்ன ஆகும்?

பெரியவர்:- சத்தம் கேட்பது கொஞ்சம் சிரமமா இருக்கும்..டாக்டர்:- வெரி குட்.. (தெளிவா தானே பதில் சொல்றார்)

பெரியவர்:- தேங்க்ஸ் டாக்டர்..

டாக்டர்:- ம்.. இப்போ உங்களோட இடது காதையும் வெட்டி எடுத்துட்டா என்ன ஆகும்?

பெரியவர்:- என்னால பார்க்க முடியாது சார்..

டாக்டர்:- (குழப்பத்துடன்...) என்ன சொல்றீங்க? ரெண்டு காதையும் வெட்டிட்டா பார்க்க முடியாதா?பெரியவர்:- கண்டிப்பா டாக்டர்.
டாக்டர்:- (மனநிலை சரியில்ல தான் போலிருக்கு..) எப்படி சொல்றீங்க?

பெரியவர்:- என் மூக்கு கண்ணாடி காதுல தானே மாட்டி இருக்கேன், காதை வெட்டிடீங்கனா கண்ணாடி கழண்டு விழுந்துடுமே சார், அப்புறம் எப்படி எனக்கு கண்ணு தெரியும்?