டோணி 33 !

•  1981ல் பிறந்த டோணி 1981ம் ஆண்டு ஜூலை 7ம் தேதி ராஞ்சி நகரில் பிறந்தார் மகேந்திர சிங் டோணி. 
•  
• டிடிஆர்....! டோணி கிரிக்கெட் விளையாட வருவதற்கு முன்பு இந்திய ரயில்வேயில் டிக்கெட் பரிசோதகராக இருந்தவர்.
•  
• 18 வயதில் ரஞ்சி கிரிக்கெட் தனது 18வது வயதில் பீகார் அணிக்காக ரஞ்சி கிரிக்கெட் போட்டியில் அறிமுகமானார்.
•  
• 2004ல் சர்வதேச கிரிக்கெட் 2004ம் ஆண்டு டிசம்பர் 23ம் தேதி வங்கதேசத்துக்கு எதிரான ஒரு நாள் போட்டியில் முதல் முறையாக அறிமுகமானார்.
•  
• 2005ல் டெஸ்ட் 2005ம் ஆண்டு டிசம்பர் 2ம் தேதி இலங்கைக்கு எதிரான போட்டியின் மூலம் டெஸ்ட் போட்டியில் அறிமுகமானார்.
•  
• 2007ல் கேப்டன் 200ம் ஆண்டு ஐசிசி டுவென்டி 20 உலகக் கோப்பை போட்டியில் பங்கேற்ற இந்திய அணியின் கேப்டனாக நியமிக்கப்பட்டார் டோணி.
•  
• முதல் உலகக் கோப்பை டோணி தலைமையில் டுவென்டி 20 உலகக் கோப்பையை இந்தியா வென்று சாதனை படைத்தது.
•  
• 3 முக்கியக் கோப்பைகள் டோணி பையில் ஐசிசியின் டுவென்டி 20, ஒரு நாள் உலகக் கோப்பை மற்றும் சாம்பியன்ஸ் டிராபி ஆகிய 3 கோப்பைகளை வென்ற ஒரே கேப்டன் டோணி மட்டுமே.
•  
• டோணி தலைமையில் டெஸ்ட்டில் நம்பர் ஒன் டோணி தலைமையில்தான் 2009ம் ஆண்டு இந்தியா முதல் முறையாக டெஸ்ட் போட்டிகளில் நம்பர் ஒன் தரவரிசையைப் பிடித்தது.
•  
• விக்கெட் கீப்பராக அதிரடி ரன் குவிப்பாளர் டோணி, ஒரு நாள் போட்டிகளில் விக்கெட் கீப்பராக அதிக ரன் குவித்த வீரர் என்றசாதனையை வைத்திருக்கிறார். 2005ல் இலங்கைக்கு எதிரான போட்டியில் அவர் 183 ரன்களைக் குவித்தார்.
•  
• ராஜீவ் காந்தி விளையாட்டு விருது ராஜீவ் காந்தி கேல் ரத்னா என்ற நாட்டின் உயரிய விளையாட்டு விருதை பெற்றவர் டோணி.
•  
• 2முறை ஐசிசி சிறந்த வீரர் 2008 மற்றும் 2009 ஆகிய ஆண்டுகளில் ஐசிசியின் ஆண்டின் சிறந்த வீரர் விருதைப் பெற்றவர் டோணி.
•  
• 5 முறை ஐசிசி அணியில் 2008, 2009, 2010, 2011, 2012, 2013 ஆகிய ஆண்டுகளில் ஐசிசியின் உலக லெவன் அணியில் இடம் பெற்றவர் டோணி.
•  
• 3 முறை ஐசிசி டெஸ்ட் அணியில் அதேபோல 2009, 2010, 2103 ஆகிய ஆண்டுகளில்ஐசிசியின் டெஸ்ட் லெவன் அணியில் இடம் பெற்றார்.
•  
• மக்கள் சாய்ஸ் விருது 2013ம் ஆண்டு ஐசிசியின் எல்ஜி மக்கள் சாய்ஸ் விருதைப் பெற்றவர் டோணி.
•  
• பைக்குன்னு பிரியாணி சாப்பிடுவது போல... எப்படி அஜீத்துக்கு பைக் என்றால் உயிரோ அதேபோலத்தான் டோணிக்கும். பைக் பிரியர் மட்டுமல்ல வெறியரும் கூட. 12 பைக் வைத்துள்ளார். அவருடைய முதல் மோட்டார் சைக்கிள் ராஜ்தூத்.
•  
• வெற்றிகரமான கேப்டன் டெஸ்ட் போட்டிகளில் இந்தியாவின் வெற்றிகரமான கேப்டனும் கூட. 24 வெற்றிகளை ஈட்டியுள்ளார்.
•  
• கேப்டனாக சாதனை அதிக டெஸ்ட் போட்டிகளுக்கு கேப்டனாக பணியாற்றிய இந்தியரும் இவர்தான். 53 டெஸ்ட் போட்டிகளில் இதுவரை கேப்டனாக இருந்துள்ளார்.
•  
• விக்கெட் கீப்பிங்கிலும் சாதனை விக்கெட் கீப்பராக டெஸ்ட் போட்டிகளில் 263 டிஸ்மிஸ்ஸல்களை நிகழ்த்தி சாதனை படைத்துள்ளார்.
•  
• சாதனை ஸ்டம்பர் ஒரு நாள் போட்டிகளில் 298 டிஸ்மிஸ்ஸல்கள். இதுவும் கூட சாதனையே
• மஹி ரேசிங் டோணி, மஹி ரேஸிங் டீம் இந்தியா என்ற பெயரில் ஒரு ரேஸ் அணியையும் வைத்துள்ளார். வேர்ல்ட் சூப்பர்ஸ்போர்ட் போட்டியில் இந்த அணி பங்கேற்று வருகிறது
• அதுவும் 7... இதுவும் 7 டோணியின் பிறந்த நாள் எண்ணான 7தான் அவர் போட்டிகளின்போது அணியும் ஜெர்ஸியின் எண்ணும் கூட.
•  
• சென்ட் பார்ட்டியும் கூட 7 பை எம்எஸ் டோணி என்ற பெயரில் சென்ட்டும் கூட டோணி பெயரில் வருகிறது. குளிக்காதவர்களின் ஆபத்பாந்தவனாக இது கருதப்படுகிறது.
•  
• அதிகம் சம்பாதிக்கும் வீரர் கடந்த மாதம்தான் அதிகம் சம்பாதிக்கும் 100 வீரர்கள் வரிசையில் டோணியும் இடம் பெற்று, 22வது இடத்தைப் பிடித்தார். இவரது வருட சம்பாத்தியம் 30 மில்லியன் டாலராகும்.
•  
• 25 கோடிக்கு ஒரு டீல் கடந்த ஆண்டு டோணி, ஸ்பார்டன் ஸ்போர்ட்ஸ் மற்றும் அமீத் பல்கலைக்கழகத்துடன் இணைந்து ஒரு ஸ்பான்சர்ஷிப்பி் கையெழுத்திட்டார். அதன் மதிப்பு ரூ. 25 கோடியாகும்.
•  
• 2 முறை ஐபிஎல் சாம்பியன் சென்னை சூப்பர் கிங்ஸ் சாம்பியனாக 2 முறை அந்த அணிக்கு கோப்பையைப் பெற்றுக் கொடுத்துள்ளார்.
•  
• ஸ்டம்புன்னா உசுரு போட்டிகளில் வெற்றி பெற்றால் முதல் வேலையாக ஸ்டம்ப்பை எடுத்து கக்கத்தில் வைத்துக் கொள்வது டோணியின் பொழுதுபோக்கு. இதுவரை மிகப் பெரிய அளவிலான ஸ்டம்புகளை சேகரித்து வைத்துள்ளார். இதையெல்லாம் வைக்க தனியாக ரூம் போடப் போகிறாராம்.
•  
• 2010ல் சாக்ஷியுடன் கல்யாணம் 2010ம் ஆண்டு ஜூலை 4ம் தேதி சாக்ஷி சிங் ராவத்துடன் இல் வாழ்க்கையில் இணைந்தார் டோணி.
•  
• கோல் கீப்பர் கிரிக்கெட்டுக்கு வருவதற்கு முன்பு பள்ளி கால்பந்து அணியில் கோல் கீப்பராக இருந்தவர் டோணி
•  
• 2011ல் ராணுவத்தில் டெரிடோரியல் ராணுவத்தில், 2011ம் ஆண்டு அவருக்கு கெளரவ லெப்டினென்ட் கர்னல் பதவி அளிக்கப்பட்டது.
•  
• 2012ல் டாக்டர்.. டோணி! இங்கிலாந்தின் டி மான்ட்போர்ட் பல்கலைக்கழகம் டோணிக்கு 2012ம் ஆண்டு கெளரவ டாக்டர் பட்டத்தை அளித்தது.
•  
• அதிக டெஸ்ட் ஸ்கோர் டோணிதான் இந்திய கேப்டன்களிலேயே டெஸ்ட் போட்டியில் அதிக ரன்களை எடுத்த சாதனையாளர். 2013ல் ஆஸ்திரேலியாவுக்கு எதிரான போட்டியில் 224 ரன்களை அவர் குவித்துள்ளார்.
•  
• விக்கெட் கீப்பராக ரன் குவிப்பு டெஸ்ட் கிரிக்கெட் வரலாற்றில் ஒரு விக்கெட் கீப்பராக 4000 ரன்களை பூர்த்தி செய்து சாதனையும் படைத்தவர் டோணி.

THANKS TO one india.com

மன நிம்மதி

சிவபெருமான் உலகை எல்லாம் படைத்துக் கொண்டிருந்தாராம். அவருக்கு உதவியாக உமாதேவியார் இருந்தாராம்.

எல்லா தாவரங்கள், நீர்வாழ் உயிரினங்கள், பறவைகள், விலங்குகள் என்று எல்லாவற்றையும் படைத்துவிட்டு இறுதியாக தனது அம்சமாக மனிதனைப் படைத்தாராம்.

அவனைப் படைத்து விட்டு தன்னருகே உள்ள ஒவ்வொரு பாத்திரங்களிலும் உள்ள ஒவ்வொரு விஷயமும் மனிதன் அடையும் படிக்கு அருளினாராம்.

 முதலில் செல்வங்களை அடையும்படிக்கு செல்வம் உள்ள பாத்திரத்தில் உள்ள செல்வங்களை அவன்மீது தெளித்தாராம்.

பிறகு கல்வி, தைரியம், சந்தோஷம் என்று அங்கிருந்த பாத்திரங்களில் உள்ள எல்லாவற்றையும் அவன் மீது வர்ஷித்து அவையெல்லாம் அவனுக்கு கிடைக்கும்படிக்கு அருளினாராம்.

எல்லாவற்றையும் கொடுத்தாலும் ஒரு பாத்திரத்தை மட்டும் கொடுக்காமல் இருக்கவே, உமா தேவியார் சுவாமி ''இந்த பாத்திரத்தில் என்ன இருக்கிறது ? இதை மட்டும் ஏன் மனிதனுக்கு கொடுக்காமல் ஒதுக்குகிறீர்கள் ? ஆறறிவு, வடிவம், இத்யாதி செல்வங்களையெல்லாம் எல்லாம் கொடுத்த நீங்கள் இதை மட்டும் கொடுக்காமல் விட்டதென்ன ? அப்படி அதில் என்னதான் இருக்கிறது ? என்று கேட்கவும், சிவபெருமான் புன்னகைத்தபடி ''தேவி அதில் உள்ளது நிம்மதியாகும்'' என்கிறார்.

உமா தேவியும் அதை ஏன் கொடுக்கவில்லை என்று மீண்டும் வினவ, சிவபெருமான் ''தேவி அதைக் கொடுத்துவிட்டால் மனிதன் என்னை மறந்துவிடுவான் என்பாராம்.''

இது கதைதான் என்றாலும் மிகப் பெரிய உண்மையை உணரவைக்கும் கதையாகும்.

நாம் வாழும் உலகத்தில் உள்ள எல்லாவற்றையும் உற்று நோக்கும் போது இந்த உண்மை புரியும்.

மன நிம்மதி என்பது பூர்வ புண்ணியத்தினால்தான் கிடைக்கும் என்று புதிய கதையெல்லாம் சொல்வார்கள்.

 கிட்டத்தட்ட உண்மை நிலையும் அவர்கள் கூற்றுக்கு சாதகமாகவே இருக்கிறது.

 மன நிம்மதி என்பது அரிதாகவே இருக்கிறது.

நம் எல்லோருடைய அனுபவமும் இதுதான். கல்வி, பதவி, சொத்து, அந்தஸ்து என்று ஒவ்வொன்றாக கிடைக்கக் கிடைக்க நிம்மதி என்பது விலகிப் போய்க் கொண்டே இருக்கிறது.

ஆனால் இதுவே தீர்மானமான முடிவல்ல. நாம் ஆழ்ந்து சிந்தித்தோமேயானால் ஆரோக்யம், சக்தி, அறிவு, உணர்வு, உற்சாகம், சந்தோஷம் எல்லாம் நம் வாழ்வில் அளவுக்கு அதிகமாகவே கொட்டிக் கிடக்கிறது.

அதே போல் மன நிம்மதியும் நம்மிடம் ஏராளமாகவே இருக்கிறது.

ஆனால் அதை அடையும் வழிமுறைகளை நாம் பின்பற்றுவதில்லை.

 நம் வாழ்வை அமைத்துக் கொள்ளும் முறை, இயற்கைக்கும், இறைவனுக்கும் முரணான செயல்பாடுகள் என்ற இவற்றை விட்டு கொஞ்ச கொஞ்சமாக விலகி வருவதால் ஆரோக்யம், சந்தோஷம், மன நிம்மதி எல்லாம் பறிபோகிறது.

இதை நாம் ஒவ்வொருவரும் உணர வேண்டும். இவற்றிற்கு எல்லாம் அடிப்படை நம் மனமும், எண்ணமும், உணர்வுகளும், செயல்களுமே ஆகும். எனவே அதற்குத் தகுந்தாற் போல, நம இயல்புக்குத் தகுந்தாற் போல வாழ்க்கை முறையை அமைத்துக் கொண்டு, இயற்கையோடு ஒன்றி, இறையாற்றலை உணர்ந்து மெய்யறிவு பெற்று மனநிம்மதியோடு வாழ வாழ்த்துகிறேன்.

நான் வேண்டிக் கொள்வதெல்லாம், எல்லா மக்களும் ஆரோக்யம், சக்தி, உற்சாகம், சந்தோஷம், மனநிம்மதி பெற்று, நீள் ஆயுள், நிறை செல்வம், உயர் புகழ், மெய்ஞானம் பெற்று ஓங்கி வாழ வேண்டும் என்பதே.வாழ்க வையகம் வாழ்க வையகம் வாழ்க வளமுடன்.

வந்தாச்சு ரெடிமேட் வீடுகள் – ஒரு நாளில் நான்கு வீடு கட்டலாம்

ஒரு வீடு கட்ட எவ்வளவு காலம் ஆகும்?

நான்கு மாதத்தில் இருந்து ஆறு மாதம் வரை ஆகாலம். அதற்கும் மேலும்கூட காலம் ஆகும். இந்தப் புதிய தொழில் நுட்பத்தை நீங்கள் பயன்படுத்தினால் ஒரு நாளில் நான்கு வீடு கட்டலாம் என்கிறார் கெவின் மூர். நியூசிலாந்தைச் சேர்ந்த கட்டிடப் பொறியாளரான இவர், இந்த ரெடிமேட் வீட்டுத் தொழில் நுட்பத்தைக் கண்டுபிடித்தார். கட்டுமானத் துறையில் ஆகும் செலவுகளைக் கட்டுப்படுத்த ஒரு புதிய தொழில்நுட்பம் கொண்டு வர வேண்டும் என மூர் தொடர்ந்து ஆராய்ச்சியில் ஈடுபட்டார். தனது பல ஆண்டு முயற்சிக்குப் பிறகு 1985-ம் ஆண்டு அவர் Insulated Precast Concrete panelsகளை உருவாக்கினார்

. இந்தப் பேனல்களின் மூலம் அவர் வீட்டையே ரெடிமேடாக உருவாக்க முடியும் என்பதைக் கண்டறிந்தார். இந்தத் தொழில்நுட்பத்திற்காக அவர் 1989-ம் ஆண்டு உரிமமும் பெற்றுள்ளார். இதன் மூலம் முழு வீட்டையும் ஃபேக்டரியிலேயே உருவாக்கிவிட முடியும். வீடு கட்டப்படும் இடத்தில் கொண்டு வந்து இறக்கினால் போதும். நியூசிலாந்து, ஆஸ்திரேலியா போன்ற நாடுகளில் பரவலாகப் பயன்படுத்தப்பட்டு வரும் இந்தத் தொழில்நுட்பம் இப்போது இந்தியாவிலும் பரவலாகி வருகிறது. ஆனால் இந்தத் தொழில்நுட்பம் தங்கும் விடுதிகள், சிறிய அறைகள் தொகுப்பு வீடுகளுக்கே பொருத்தமானதாக இருக்கும். பெங்களூரு வளர்ச்சி நிறுவனம் இந்தத் தொழில் நுட்பத்தைப் பயன்படுத்தி 12 ஏக்கர் நிலத்தில் 1520 தொகுப்பு வீடுகளைக் கட்டியுள்ளது. இந்தத் தொழில்நுட்பம் மூலம் வீடு கட்டுவது சுவாரஸ்யமானதாக இருக்கிறது. 

வீட்டுக்கான தரை, ஜன்னல்கள், சமையல் அறை எல்லாமும் தொழிற்கூடத்திலேயே தயாரிக்கப்பட்டு விடுகின்றன. முழு வீட்டையும் கட்டு மானத் தலத்தில் வாகனங்கள் மூலம் கொண்டு இறக்கி வைத்தால் போதும். அறைகள் மட்டுமல்ல. எலக்ட்ரிக்கல் வயரிங், ஸ்விட்ச், பிளம்பிங் வேலைகளையும் தொழிற்கூடத்திலேயே முடித்துவிடுகிறார்கள். மாடிப் படிகளையும் தேவையான அளவுக்கேற்ப முன்பே தருவித்தால் அதையும் தொழிற்கூடத்திலேயே தயாரித்து, கொண்டு வந்துவிடுகிறார்கள். ரெடிமேட் வீடு என்பதால் அது பாரம்பரிய கட்டிடத்தை விட உறுதி குறைந்தது என நினைக்க வேண்டாம். இம்முறையில் உருவாக்கப்படும் தூண்கள் கான்கீரிட், கம்பிச் சட்டகங்கள் கொண்டு உருவாக்கப்படுகிறது. அதனால் இது பாரம்பரிய முறையைவிடவும் உறுதியானதாகவும் நீடித்து உழைக்கக் கூடியதாகவும் இருக்கும். மேலும் இந்தத் தூண்கள் அதிக எடையைத் தாங்கக் கூடியது. பூகம்பம் அதிர்வுகளைத் தாங்கக்கூடிய வகையிலும் இதன் அமைப்பு இருக்கும். 95 சதவீத வேலைகள் தொழிற்கூடத்திலேயே முடிந்துவிடும் என்பதால் பொருட்செலவு பாரம்பரிய முறையைக் காட்டிலும் மிகவும் குறைவு. வெளிப்புறச் சுவர்கள் 4 அங்குல கனமும், உட்புறச் சுவர்கள் 3 அங்குல கனமும் கொண்டவை. 

இந்த வகை வீடுகள் சமூகத்தின் மிகப் பின் தங்கியுள்ளவர்களுக்குப் பொருத்தமானதாக இருக்கும் எனச் சொல்லப்படுகிறது. ஆனால் மூர், இந்தத் தொழில்நுட்பத்தைப் பயன்படுத்தி வசதியான வீடுகளும் கட்ட முடியும் என்கிறார். ஆஸ்திரேலியாவில் சாலையோர உணவு விடுதிகள் இந்தத் தொழில்நுட்பம் கொண்டு உருவாக்கியுள்ளனர். நியூசிலாந்தில் வீட்டு வசதிக் குடியிருப்புகளையும் உருவாக்கியுள்ளனர். ரெடிமேட் தொழில்நுட்பம் மூலம் மிக விரைவாக வீடுகளைக் கட்டிவிட முடியும். மேலும் பாரம்பரியக் கட்டிடக் கலையுடன் ஒப்பிடும்போது பொருட்செலவும் மிகக் குறைவு. இப்போது இந்தத் தொழில்நுட்பத்தால் நாள் ஒன்றுக்கு நான்கு வீடுகளை உருவாக்கிவருகிறோம். எதிர்காலத்தில் இது 12 ஆக உயரலாம் என மூர் நம்பிக்கை தெரிவிக்கிறார். 

Thanks to Kallaru.com

சந்திரபாபு வாழ்க்கை வரலாறு!

சிரிப்பு வருது, சிரிப்பு வருது என பாடி சிரிக்க வைத்த நகைச்சுவை நடிகர் சந்திரபாபு

சிரிப்பு வருது, சிரிப்பு வருது என்றும் இன்னும் பல பாடல்களைப் பாடியும் நகைச்சுவையாக நடித்தும் மக்களை ரசிக்க வைத்தவர் பழம்பெரும் நடிகர் சந்திரபாபு. நகைச்சுவை மன்னனாக கொடி கட்டிப் பறந்த நடிகர் சந்திரபாபு மேல் நாட்டு பாணியில் ஆடுவார், பாடுவார்.

பல சோதனைகளை அனுபவித்து 42வது வயதிலேயே மரணம் அடைந்தார்.

சந்திரபாபுவின் சொந்த ஊர் தூத்துக்குடி. சந்திரபாபுவுடன் பிறந்தவர்கள் நான்கு சகோதரர்கள், ஐந்து சகோதரிகள்.

சந்திரபாபுவின் தந்தை சிறிது காலம் இலங்கையில் அச்சகம் நடத்தி வந்தார். அதனால் சந்திரபாபு இலங்கையில் வளர்ந்தவர். கொழும்பில் ஆங்கிலப் பள்ளிக்கூடம் ஒன்றில் படித்தார். தமிழ்நாட்டுக்கு திரும்பியதும், கலை ஆர்வத்தின் காரணமாக சினிமா உலகில் நுழைந்தார். முதலில் ஜெமினி படப்பிடிப்பு நிலையத்திற்கு சென்று சினிமா சான்ஸ் கேட்டார். கிடைக்கவில்லை. வேலை தேடினார். அதுவும் கிடைக்கவில்லை. இதனால் மனம் உடைந்து விஷம் குடித்து தற்கொலை செய்து கொள்ள முயன்றதாக அவரே குறிப்பிட்டுள்ளார். சந்திரபாபு நடித்த முதல் படம் 'தன அமராவதி', கடைசி படம் 'பிள்ளைச் செல்வம்' மொத்தம் 100க்கு மேற்பட்ட படங்களில் நடித்து இருக்கிறார். 'கவலை இல்லாத மனிதன்', குமார ராஜா', 'தட்டுங்கள் திறக்கப்படும்' ஆகிய படங்களில் கதாநாயகனாக நடித்தார். 'தட்டுங்கள் திறக்கப்படும்' படத்தை அவரே தயாரித்து இயக்கினார்.

நகைச்சுவை நடிப்பில், சிறந்த நடிகராக திகழ்ந்த அவர் 'படத்திற்கு ஒரு இலட்சம் ரூபா கொடுத்தால்தான் நடிப்பேன்' என்ற அளவுக்கு மிகவும் புகழ் பெற்று விளங்கினார்.

பல படங்களில் பாடி நடித்து இருக்கிறார். மேடை நிகழச்சிகளிலும் பாடுவார். மேல்நாட்டு நடனங்கள் கற்றவர். 'பம்பரக் கண்ணாலே காதல் சங்கதி சொன்னாளே', 'நான் ஒரு முட்டாளுங்க', 'பிறக்கும் போதும் அழுகின்றான்', 'சிரிப்பு வருது சிரிப்பு வருது 'சிரிக்க சிரிக்க சிரிப்பு வருது' ஆகிய பாடல்கள் அவர் பாடி பிரபலமானவை.

சினிமா வாய்ப்பு கிடைக்காத விரக்தியில் ஜெமினி ஸ்டுடியோவில் விஷம் குடித்து சுருண்டு கிடந்தார் சந்திரபாபு. அப்போது இரவு 1.30 மணி. ஜெமினி கணேசன் உள்ளிட்ட படக்கம்பெனி ஊழியர்கள் ஆம்புலன்ஸ் வரவழைத்து அவரை ராயப்பேட்டை மருத்துவமனைக்குக் கொண்டுபோனார்கள். முதலுதவி முடிந்ததும், தற்கொலைக் குற்றவாளி என்ற வகையில் இன்ஸ்பெக்டர் ரங்காச்சாரி கேள்வி கேட்கிறார். 

“உன் பெயர் என்ன?’’ 

“சந்திரபாபு’’ 

“தற்கொலைசெய்துகொள்ள விஷம் குடித்தாயா?’’

“ஆமாம்’’ 

“ஏன்’’ 

“சினிமாவில் நடிக்க வந்தேன், சந்தர்ப்பம் கிடைக்கவில்லை. அதிருக்கட்டும், எனக்கு இப்போ சிகரெட் வேணும்’’ என்றதும் இன்ஸ்பெக்டர் ரங்காச்சாரி கொடுக்கிறார். “இது பிளேயர்ஸ். என் பிராண்ட் கோல்டு பிளாக்’’ என்கிறார் சந்திரபாபு. ஆளனுப்பி வாங்கிக்கொடுக்கிறார் இன்ஸ்பெக்டர். 

மாஜிஸ்திரேட் கோர்ட்டில் விசாரணை. நீதிபதி கேள்வி கேட்கிறார். 

‘’ஏன் இப்படிச் செஞ்சே?’’ 

“எனக்கு வாழ்க்கை வெறுத்துப்போச்சு, விஷம் குடிச்சேன்’’ 

“இனிமேலும் இந்தமாதிரி செய்வியா?’’ 

“சொல்ல முடியாது’’ 

“ஏன் சொல்லமுடியாது?’’ என்று நீதிபதி கேட்டதும், தனது பாக்கெட்டிலிருந்து தீப்பெட்டியை எடுத்து, தீக்குச்சியை உரசி உள்ளங்கையில் வைத்து எல்லோருக்கும் காட்டினார். திடுக்கிட்டுப்போன நீதிபதி, “என்ன செய்கிறாய் நீ?’’ என்று அதட்டலாகக் கேட்டார். “நான் செய்ததை உங்களால் பார்க்க முடிந்தது. ஆனால், அந்தச் சூட்டை உங்களால் உணரமுடியாது. அதேபோலத்தான் என் உணர்ச்சிகளை யாராலும் ஃபீல் பண்ண முடியாது. சரி, எனக்கு என்ன தண்டனை?’’ என்றார். “முதல்முறை என்பதால் உன்னை மன்னிக்கிறேன். 

நீ போகலாம்’’ என்று நீதிபதி சொன்னதும், “ஓ.கே நெக்ஸ்ட் டைம் பார்க்கலாம்’’ என்றபடி கோர்ட்டைவிட்டு வெளியேறினார் சந்திரபாபு. 

பிறந்த சில நாட்களிலேயே பிழைக்க மாட்டார் என்று நம்பப்பட்டவர் சந்திரபாபு. அவரைக் கடுமையான விஷக் காய்ச்சல் தாக்கியிருந்தது. சுதந்திரப் போராட்ட வீரரான அப்பா ஜோசப் ராட்ரிக்ஸ் தூத்துக்குடி தேவாலயத்துக்கு மனைவியுடன் போனார். குழந்தையைக் கீழே கிடத்திவிட்டு, இருவரும் முழந்தாளிட்டு, “ஏசுவே! இந்தக் குழந்தை எங்களுக்கு நீர் கொடுத்த பிச்சை. இதை பிழைக்கச்செய்யும்! குழந்தைக்கு பிச்சை என்றே பெயரிடுகிறோம்’’ என்று வேண்டிக்கொண்டார்கள். குழந்தை பிழைத்தது. ஜோசப் பிச்சை என்று பெயரிட்டார்கள். 

ஜெமினி ஸ்டுடியோவில் விஷம் குடித்து ஏற்படுத்திய பரபரப்பில் பட வாய்ப்பு கிடைத்தது. பி.எஸ். ராமையா இயக்கத்தில் ‘தன அமராவதி’ படத்தில் அறிமுகமானார் சந்திரபாபு..ஜெமினி நிறுவனத்தின் ‘ராஜி என் கண்மணி’ படத்தில் வாய்ப்பு கொடுத்தார்கள். அதற்கு காரணம் ஒரு கடிதம். 

“திரு.வாசன் அவர்களுக்கு, நான் ஒரு சான்ஸ் கேட்டேன். நீங்க முடியாதுன்னு சொல்லீட்டீங்க. என்னை மாதிரி நல்லா நடிக்கத் தெரிஞ்சவனுக்கு நீங்க சான்ஸ் கொடுக்காதது தப்பு. இத்தனை பெரிய ஸ்டுடியோவில் எனக்கு சான்ஸ் இல்லை. நான் ஒழிஞ்சு போறேன், செத்துப்போறேன்’’ என்று விஷம் குடித்தபோது சந்திரபாபு எழுதிவைத்திருந்த கடிதத்தைக் கைப்பற்றி வாசனிடம் ஒப்படைத்தவர் ஜெமினி கணேசன். 

அவருக்கு மனைவியாக வந்த ஷீலா தற்கொலைக்கு முயன்றார். உடனடியாக ஷீலாவை உரியவரிடம் ஒப்படைத்தார் சந்திரபாபு. அதன் தொடர்ச்சியான மதுப்பழக்கத்தில் விழ்ந்தார். 

தமிழகத்தின் கலைக்குழுவுக்கு ஒருமுறை சிறப்பு விருந்துவைத்தார் அப்போதைய ஜனாதிபதி எஸ். ராதாகிருஷ்ணன். அந்த நிகழ்ச்சியில் சந்திரபாபு பாடிய ‘பிறக்கும்போதும் அழுகின்றான்…’ பாடலை ரொம்பவே ரசித்தார். அந்த ரசணையைக் கண்டு நெகிழ்ந்த சந்திரபாபு, அவரின் தோளில் கைபோட்டு, தாடையைப் பிடித்து, ‘’நீ ரசிகன்டா’’ என்று சொன்னதைக் கேட்டு கலைக்குழுவே ஆடிப்போயிருக்கிறது. அப்படிப்பட்ட அப்பாவித் துணிச்சல்காரர் சந்திரபாபு.

சந்திரபாபுவுக்கு 1956ல் திருமணம் நடந்தது. மதுரையைச் சேர்ந்த லைலா என்னும் ஆங்கிலோ - இந்திய பெண்ணை மணந்தார். ஆனால் இருவரும் சேர்ந்து வாழவில்லை. விவாகரத்து செய்து கொண்டனர். 'என் மண வாழ்க்கை மகிழ்ச்சிகரமாக அமையவில்லை. முதல் இரவிலேயே நாங்கள் பிரிந்து விட்டோம்' என்று, பல கட்டுரைகளில் சந்திரபாபு குறிப்பிட்டு இருந்தார்.

தனியாகவே சந்திரபாபு வாழ்ந்தார். வேலைக்கார சிறுவன் மட்டுமே கூட இருந்தான். எம். ஜி. ஆரை கதாநாயகனாக வைத்து, 'மாடி வீட்டு ஏழை' என்னும் படம் தயாரிக்கத் தொடங்கினார். ஆனால் அது பாதியில் நின்றுவிட்டது.

சந்திரபாபுவின் பிற்கால வாழ்க்கை, சோகமானது. பட அதிபர்களுக்கு ஒத்துழைப்பு தருவதில்லை என்று பரவலாக புகார் கூறப்பட்டது. அதனால் ஒரு காலத்தில் சந்திரபாபுவின் 'கால்iட்'டுக்காக தவம் கிடந்த படஅதிபர்கள், விலகி ஓடத் தொடங்கினார்கள். சந்திரபாபுக்கு மதுபழக்கம் உண்டு. சோகம் அதிகமாக மதுபழக்கமும் அதிகமாகியது.

7.3.1984 அன்று அதிகாலை 3.30 மணிக்கு அவர் உடல் நிலை திடீரென்று மோசமாகியது. ரத்த வாந்தி எடுத்தார். அப்போது அவருடைய வேலைக்கார பையன் வந்து அவருக்கு உதவி செய்தான். அறையை சுத்தம் செய்துவிட்டு, சந்திரபாபுவின் முகத்தையும் துடைத்துவிட்டான்.

'நான் தூங்கப் போகிறேன், நீ கவலைப்படாமல் போய்படு' எனறு அவனிடம் கூறி விட்டு, சந்திரபாபு படுத்துக் கொண்டார். 8ந் திகதி அதிகாலை 5.00 மணி அளவில்அவர் மரணம் அடைந்தார். தூக்கத்திலேயே அவர் உயிர் பிரிந்தது.

திருவண்ணாமலை கிரிவல நாட்கள் 2015

Auspicious dates 2015 to perform Girivalam at Thiruvannamalai

GIRIVALM DATES AND TIMING  IN 2015

05	January	(Monday)	Paush Purnima	4-1-15 04-01-15   8:48 AM to 05-01-15  at  9:28 AM
03	February	(Tuesday)	Magha Purnima	03-02-15  2:21 AM to 04-02-15  at  3.59 AM
05	March	(Thursday)	Phalguna Purnima	04-03-15  8:55 PM  to 05-03-15 at 11.02 PM
04	April	(Saturday)	Chaitra Purnima	03-04-15  3:03 PM to 04-04-15  at  5.57 PM
04	May	(Monday)	Vaishakha Purnima	03-05-15  7:22 AM to 04-05-15  at  8.30 AM
02	June	(Tuesday)	Jyeshtha Purnima	01-06-15  9:12 PM to 02-06-15  at 9.21 PM
02	July	(Thursday)	Ashadha Purnima	01-07-15  8:39 AM to 02-07-15  at 7.50 AM
31	July	(Friday)	Ashadha Purnima	30-07-15  6.12 PM to 31-07-15  at 4.36 PM
29	August	(Saturday)	Shravana Purnima	29-08-15  2.41 AM to 30-08-15 at 12.33 AM
28	September	(Monday)	Bhadrapada Purnima	27-9-15  10.55 AM  to 28-09-15 at 8.31 AM
27	October	(Tuesday)	Ashwin Purnima	26-10-15 7.44 PM  to 27-10-15 at 5.23 PM
25	November	(Wednesday)	Kartik Purnima	25-11-15  5.51 AM  to 26-11-15 at 3.55 AM
25	December	(Friday)	Margashirsha Purnim	24-12-15  5.44 PM  to  25-11-15 at 4.30 PM

Purnima days in 2015 based on Indian Standard Time (IST)

Purnima 2015 Dates

January 5, 2015, Monday. Time is from 8:48 AM on January 4 to 9:28 AM on January 5 - Paush Poornima. Vrat or fasting is on January 4

February 3, 2015, Tuesday. Time is from 2:21 AM on February 3 to 3:59 AM on February 4 - Magh Poornima.Vrat or fasting is on February 3.

March 5, 2015, Thursday. Time is from 8:55 PM on March 4 to 11:02 PM on March 5 - Falgun or Phalgun Purnima - Holika Dahan - Holi Festival. Vrat or fasting is on March 5.

April 4, 2015, Saturday. Time is from 3:03 PM on April 3 to 4:57 PM on April 4 - Chaitra Purnima (Hanuman Jayanti). Fasting is on April 3

May 4, 2015, Monday. Time is from 7:22 AM on May 3 to 8:30 AM on May 4 - Vaishakh Poornima - Budha Purnima. Vrat is on May 3

June 2, 2015, Tuesday. Time is from 9:12 PM on June 1 to 9:21 PM on June 2 - Jyeshta Purnima (Vat Savitri Poornima is on June 2). Fasting is on June 2

July 2, 2015, Thursday. 8:39 AM on July 1 to 7:50 AM on July 2 - Adhika Masa Ashada Purnima. Fasting is on July 2.

July 31, 2015, Friday. 6:12 PM on July 30 to 4:36 PM on July 31 - Ashada Purnima - Vyasa Purnima – Guru Poornima. Fasting or Vrat is on July 30

August 29, 2015, Saturday. Time is from 2:41 AM on August 29 to 12:33 AM on August 30. Shravan Purnima - Narali Poornima. Raksha Bandhan. Avani Avittam. Upakarma. Fasting is on August 29

September 28, 2015, Monday – Time is from 10:55 AM on September 27 to 8:31 AM on September 28 - Bhadrapad Poornima. Vrat is on September 27.

October 27, 2015, Tuesday – Time is from 7:44 PM on October 26 to 5:23 PM on October 27. Ashwin Purnima – (Sharad Poornima - Kojagari Purnima are marked on October 26). Fasting is on October 26.

November 25, 2015, Wednesday – Time is from 5:51 AM on November 25 to 3:55 AM on November 26. Kartik Poornima – Dev Diwali – Tripurai Purnima - Tulsi Vivah ends. Fasting is on November 25.

December 25, 2015, Friday – Time is from 5:44 PM on December 24 to 4:30 PM on December 25. Margashirsh Purnima - Datta Jayanti. Fasting is on December 24.