தவறாகப் பொருள் கொள்ளப்படும் பழமொழிகளும் அதன் சரியான அர்த்தங்களும் ...!

தவறாகப் பொருள் கொள்ளப்படும் பழமொழிகளும் அதன் சரியான அர்த்தங்களும் ...!

1.ஆயிரம் பொய் சொல்லி ஒரு கல்யாணத்தப்
பண்ணு...  தப்புங்க தப்பு,,,
ஆயிரம் பேரிடம் போய் சொல்லி ஒரு கல்யாணத்தப் பண்ணு...
இதாங்க சரி...

2.படிச்சவன் பாட்டைக் கெடுத்தான்,
எழுதுனவன் ஏட்டைக் கெடுத்தான்....
இதுவும் தப்பு, சரியானது என்னன்னா ...........
படிச்சவன் பாட்டைக் கொடுத்தான் ,
எழுதுனவன் ஏட்டைக் கொடுத்தான் ....

3.ஆயிரம் பேரை கொன்றவன் அரை வைத்தியன்...
இது பேரை அல்ல வேரை (மூலிகை வேரை )
ஆயிரம் வேரை கொன்றவன்
அரை வைத்தியன்.......

4.நல்ல மாட்டுக்கு ஒரு சூடு ....
சூடு அல்ல சுவடு...
சந்தையில் மாட்டை வாங்கும்போது அது பதிக்கும் தடம் சுவடு.. அழுத்தமான சுவட்டை பதிக்கும்
மாடே அதிக பலம் வாய்ந்தது...
ஒரு சுவட்டை பார்த்தாலே மாட்டின் பலம்
புலனாகும்....

5.அற்பனுக்கு வாழ்வு வந்தால் அர்த்த
ராத்திரியில் கொடை புடிப்பான்....
அர்பணித்து வாழ்ந்து வந்தால் அர்த்த
ராத்திரியிலும் கொடை கொடுப்பான்....
வள்ளல் ஆனவரை கஞ்சனாக
மாற்றி விட்டோம் ...
காலப்போக்கில்....

நம் முன்னோர்கள் நம் நல்வாழ்வுக்காக
சொல்லி வைத்ததை நாம் பிறரைக் குறை கூற
உபயோகிக்கிறோம்...
மாறுவோம்... பிறரை மாற்றுவோம்...

 

Thanks to R.P.Karthik

வெற்றி நிச்சயம் !!

      
                                                                                                                                                  அந்த அழகிய கிராமத்திற்கு ஒரு முனிவர் வந்திருந்தார்
.ஊருக்கு மத்தியில் இருந்த மரத்தடியில் அமர்திருந்தார்
.யாருமே ஊரில் அவரைக் கண்டுகொள்ளவில்லை . முனிவர்
அல்லவா ?

கோபத்தில் சாபமிட்டார் அந்த ஊருக்கு ..” இன்னும் 50 வருடங்களுக்கு இந்த ஊரில் மழையே பெய்யாது .வானம் பொய்த்துவிடும் ” … இந்த சாபம் பற்றி கேள்விப் பட்ட அனைவரும் என்ன செய்வது என்றே தெரியாமல் கவலையோடு அவரின் காலடியில் அமர்ந்து மன்னிப்பு கேட்டனர் .. சாபத்திற்கு விமோசனம் கிடையாது என்று கூறிவிட்டார் முனிவர் .வேறு வழியின்றி அனைவருமே அவரின் காலடியில் அமர்ந்து இருந்தனர் … 

மேலிருந்து இதைக் கவனித்த பரந்தாமன் தனது சங்கினை எடுத்து
தலைக்கு வைத்து படுத்துவிட்டான் ( பரந்தாமன் சங்கு ஊதினால் மழை
வரும் என்பது நம்பிக்கை ). இன்னும் 50 வருடங்கள்மழை பெய்ய
வாய்ப்பில்லை என்பதால் இனி சங்குக்கு ஓய்வு என்றே வைத்து விட்டான் …) அந்த ஊரில் ஒரு அதிசயம் நடந்தது …
 
ஒரே ஒரு உழவன் மட்டும் கலப்பையைக் கொண்டு தினமும்
வயலுக்குச் சென்று வந்து கொண்டிருந்தான் .அவனை அனைவரும் பரிதாபமாகவே பார்த்தனர் .மழையே பெய்யாது எனும்போது இவன் வயலுக்கு போய் என்ன செய்யப் போகிறான் என்ற வருத்தம் அவர்களுக்கு … அவனிடம் கேட்டே விட்டனர் . நீ  செய்வது முட்டாள்தனமாக இல்லையா என்று ..அதற்கு அவனின் பதில்தான் நம்பிக்கையின் உச்சம் ”’ 50  வருடங்கள் மழை பெய்யாது

என்பது எனக்கும் தெரியும் . உங்களைப் போலவே நானும் உழுதிடாமல் இருந்தால் 50 வருடங்கள் கழித்து உழுவது எப்பிடி என்றே எனக்கு மறந்து போயிருக்கும் ..அதனால்தான் தினமும் ஒருமுறை உழுது

கொண்டு இருக்கிறேன் ” என்றான் .
இது வானத்தில் இருந்த பரந்தாமனுக்கு கேட்டது
.அவரும் யோசிக்க ஆரம்பித்தார் ..”50 வருசம்
சங்கு ஊதமால் இருந்தால் எப்பிடி ஊதுவது என்று
மறந்து போயிருமே ”.என்றே நினைத்து சங்கை எடுத்து
ஊதிப் பார்க்க ஆரம்பித்தார் …. இடி இடித்தது …மழை பெய்ய
ஆரம்பித்தது …நம்பிக்கை ஜெயித்து விட்டது .

” தெய்வத்தால் ஆகாது எனினும் முயற்சி தன் மெய்வருத்தக் கூலி தரும் ” "Self confident never fail" வெற்றி நிச்சயம் !! 

Thanks to C.Malathi

அரசாங்க வேலையை யார் செய்வது?

படித்ததில் பிடித்தது

 
என்னால் உழைத்து சம்பாதித்து கரன்ட்பில் 

கட்டமுடியும்,
 
வீட்டிலுள்ள பெண்களுக்கு இருசக்கரவாகனம் 

வாங்கமுடியும்,
 
செல்போன் வாங்கமுடியும்,
 
வாங்கிய கடனை கட்டமுடியும் .
 
ஆனால்
 
தரமான சாலைகள் போடுவது,
 
தட்டுப்பாடற்ற குடிநீர் வழங்குவது,
 
பாலங்கள் கட்டுவது,
 
ஊழலை லஞ்சத்தை ஒழிப்பது,
 
தரமான பேரூந்துகள் பராமரிப்பது,
 
தடையில்லா மின் உற்பத்தி செய்து 

தருவது,
 

அரசாங்க அலுவலகங்கள் சிறப்பாக இயங்குவது,
 
சிறந்த கல்வி இலவசமாக தருவது,
 
சிறந்த மருத்துவத்தை இலவசமாக வழங்குவது,
 
ஆறுகளை இணைப்பது,
 
ஏரி,குளங்களை தூர்வாருவது,
 
அணைகள் கட்டுவது,
 
காவல்துறையை நவீனப்படுத்துவது,
 
தொழிற்துறைகளுக்கு முதலீடுகள் கவர்வது,
 
தொழிற்துறைக்கு. அடிப்படை கட்டமைப்புக்கள் 

அமைப்பது.
 
தொழிற்வளர்ச்சிக்கு
 
திட்டங்கள் நடைமுறைப்படுத்துதல்.
 
மத்திய அரசுடன் இணைந்து திட்டங்களை 

நிறைவேற்றுவது..
 
இதுபோல் அரசாங்காத்தால் மட்டும் செய்யகூடிய 

வேலைகள்

ஆயிரம் இருக்கிறது.

இதையல்லாம் நான் செய்யமுடியுமா?

இதையெல்லாம் செய்வதற்கு நிதியை 

பயன்படுத்தாமல்

இலவசமா கொடுக்கறாங்களாமா...

இது ஒரு அரசாங்கமா?

இதுக்கு ஓட்டுவேற போடனுமா?

என் வேலையை அரசாங்கம் செய்தால்,

அரசாங்க வேலையை யார் செய்வது?

என் வீட்டுச்செலவுகளை

அரசாங்கம் செய்தால்,

அரசாங்க செலவுகளுக்கு என்ன செய்வார்கள்?

கடன் வாங்குவார்களா?

இன்னும் அதிகமா வரிவசூல் செய்வார்களா?

என் இனத்தையே விலை பேசுவார்களா...??!!!
Thanks : Vedagiri Venkatraman

தக்காளி சட்னி !

 

கணவன் - செல்லம் எந்திரிடா நம்பள பாக்க அப்பா அம்மா வந்திருக்காங்க...
.
மனைவி - (கடுப்புடன்) கல்யாணம் ஆகி தனிக்குடித்தனம்வந்து ஒரு மாசம் கூட ஆகல அதுக்குள்ள வந்துட்டாங்களா..?
.
வா்றவங்க ஒரு போன் பண்ணிட்டாவது வரலாம்ல,
இனி காலையில டிபன், மதியம் சாப்பாடுன்னு மூணு நேரமும் வடிச்சி கொட்றத்துகுள்ள என் உசுரு போயிடும்...
.
கணவன் - ஏய் கொஞ்சம் மெதுவா பேசு நீ பேசுறத கேட்டு கோவிச்சிகிட்டு அவங்க போயிடப் போறாங்க...
.
மனைவி - போனா போவட்டும் அப்டியாவது புத்தி வருதான்னு பாக்கலாம்...(ஐந்து நிடங்கள் கழித்து )
.
கணவன் - உண்மையாலுமே அவங்க போயிட்டாங்கடி...
.
மனைவி - ஐயா, ஜாலி...
.
கணவன் - போறப்ப அத்தையையும் மாமாவையும் பாக்கவே ரோம்ப கஷ்டமா இருந்தது...
.
மனைவி - (சற்று அதிர்ச்சியுடன்)வந்தது எங்க அப்பா அம்மாவா..?
.
கணவன் - (மனசுக்குள் சிர்த்துக்கொண்டே) ஆமா.. உனக்கு வந்தா ரத்தம் எனக்கு வந்தா தக்காளி சட்னியா போடி)

கல்யாணசுந்தரம்- சமூக சேவகர்

கல்யாணசுந்தரம் - 45 வருடங்களாக சமூக சேவை செய்து வருபவர், 30 வருடங்களாக நூலக பொறுப்பாளராக இருந்து, உலகத்திலே தனது வாழ்நாளில் கிடைக்கும் மொத்த சம்பளத்தையும் இல்லாதவர்களுக்கு ஒதுக்கும் ஒரே நபர் இவர் மட்டும் தான். தன் தேவைக்காக உணவகத்தில் உணவு பரிமாறும் வேலை செய்து வருகிறார்..

இதை பாராட்டும் வகையில் ஒரு அமெரிக்க அமைப்பு, இவர்க்கு "மேன் ஆப் மில்லினியம்" பட்டம் குடுத்தனர். மற்றும் 30 கோடி அன்பளிப்பு அளித்தனர் அதையும் வழக்கம் போல் அனாதை இல்லத்திற்கு கொடுத்துவிட்டார்.

* நூலக அறிவியல் பாடப் பிரிவில் தங்கப் பதக்கம் பெற்றவர்.

* மத்திய அரசின் சிறந்த நூலகப் பொறுப்பாளர் விருது பெற்றவர்.

* உலகத்தின் தலை சிறந்த பத்து நூலக பொறுப்பாளர்களில் இவரும் ஒருவர்.

இப்படிப்பட்ட தமிழனை நம்மில் எத்தனைபேருக்கு தெரியும், அதுவும் சிலருக்கு ரஜினிகாந்த் அவர்கள் இவரை தன் தத்து தந்தையாய் அறிவித்த பிறகே தெரியும்...

தன் வாழ்வில் கல்யாணம் கூட செய்துகொள்ளாமல், இயலாதவர்களுக்கு அள்ளிக்கொடுக்கும் இவருக்கு வழக்கம் போல எந்த ஒரு ஊடகமும் இச்செய்தியை வெளியிடாதது வருத்தமளிக்குறது..

பகிருங்கள், ஒவ்வொரு தமிழனுக்கு எட்டும் வரை.