நடிகர் நாசர் சிவாஜியுடன் பணியாற்றிய அனுபவத்தை பகிர்ந்து கொண்டார்.

 

இந்த சீன்ல நடிக்க ரொம்ப கஷ்டப்பட்டேன்… அப்போ சிவாஜி சார் இப்படி சொல்லிட்டார்… நாசர் பகிர்வு…

தமிழ்நாட்டில் செங்கல்பட்டு அருகில் மேல்பாக்கம் என்ற ஊரில் எளிமையான முஸ்லிம் குடும்பத்தில் பிறந்தவர் நாசர். இவரது முழு பெயர் நாசர் முகமது ஹனீப் என்பதாகும். இவர் தமிழ், இந்தி, தெலுங்கு, மலையாளம், கன்னடம், பெங்காலி ஆகிய மொழித் திரைப்படங்களில் நடித்துள்ளார். தென்னிந்திய நடிகர் சங்கத்தின் தலைவராகவும் பணியாற்றியுள்ளார் நாசர். நடிப்பது மட்டுமல்லாமல் நாசர் திரைக்கதை எழுதுதல், வசனம், பாடலாசிரியர் மற்றும் பாடகராகவும் பணியாற்றியுள்ளார்.

சினிமாவின் மீதுள்ள ஆர்வத்தினால் நாசர் puc படிப்பை முடித்துவிட்டு சென்னைக்கு குடிப்பெயர்ந்தார்.. சென்னை திரைப்பட கல்லூரியில் நடிப்பு பயின்று நடிப்புத் துறையில் பட்டம் பெற்றார் நாசர். பின்னர் தென்னிந்திய திரைப்பட சங்கத்தின் நடிப்பு பயிற்சி மையத்திலும் பயிற்சி பெற்றார். இவரது ஆர்வத்தினை கண்ட கே. பாலச்சந்தர் ‘கல்யாண அகதிகள்’ திரைப்படத்தில் நடிக்க வைத்தார் அன்று தொடங்கி 300க்கும் மேற்பட்ட திரைப்படங்களிலும் நடித்துள்ளார் நாசர். சிறிது காலம் விமானப்படையிலும் பணியாற்றினார் நாசர் என்பது குறிப்பிடத்தக்கது.

சினிமாவின் ஆரம்ப காலத்தில் பல தமிழ் சினிமாக்களில் வில்லன் கதாபாத்திரங்களில் நடித்து பிரபலமானவர் நாசர். மணிரத்தினத்தின் நாயகன் திரைப்படத்தில் காவல்துறை அதிகாரியாக நடித்ததன் மூலம் சினிமாவில் திருப்புமுனையை பெற்றார் நாசர். கமலஹாசன், ரஜினிகாந்த் போன்ற முன்னணி நடிகர்களின் திரைப்படத்திலும் நடித்து பிரபலமானார் நாசர்.

90களில் பிற்பகுதியில் 2000களில் பல திரைப்படங்களில் குணச்சித்திர நடிகராகவும் நடித்துள்ளார் நாசர். ‘ரோஜா’, ‘தேவர் மகன்’, ‘பம்பாய்’, ‘குருதிப்புனல்’, ‘தேவதை’, , ‘வரவு எட்டணா செலவு பத்தணா’, ‘மகளிர் மட்டும்’, ‘படையப்பா’, ‘அவ்வை சண்முகி’, ‘இம்சை அரசன் 23ஆம் புலிகேசி’,’போக்கிரி’, ‘தனி ஒருவன்’, ‘சிங்கம்’ போன்ற படங்கள் இவர் நடித்ததில் குறிப்பிடத்தகுந்தவை ஆகும்.

இது தவிர ‘பாப்கார்ன்’, ‘மாயன்’, ‘தேவதை’, ‘அவதாரம்’ போன்ற திரைப்படங்களில் இயக்குனராகவும் பணியாற்றியுள்ளார். நாசர் தனது நடிப்பிற்காக கலைமாமணி விருது, சிறந்த நடிகருக்கான தமிழக அரசு திரைப்பட விருது, சிறந்த எதிர்மறை நடிகர், சிறந்த துணை நடிகர் என தமிழ்நாடு அரசு விருதுகளை வென்றுள்ளார்.

சமீபத்தில் ஒரு நேர்காணலில் கலந்து கொண்ட நடிகர் நாசர் சிவாஜியுடன் பணியாற்றிய அனுபவத்தை பகிர்ந்து கொண்டார்.. அவர் கூறியது என்னவென்றால் தேவர் மகன் படத்தில் சிவாஜி சாரோட மகனா நடிச்ச அப்போ சிவாஜி சாரை திட்டுற மாதிரி ஒரு சீன் இருக்கும். அந்த சீன்ல எனக்கு சிவாஜி சார் முகத்தை பார்த்து எனக்கு திட்றதுக்கு மனசே வரல. அந்த சீன்ல நடிக்க ரொம்ப கஷ்டப்பட்டேன். அப்போ சிவாஜி சார் என்னை கூப்பிட்டு என்னப்பா நடிக்க ரொம்ப கஷ்டமா இருக்கா. அப்பனை திட்றதுக்கு யாருக்கு வாய்ப்பு கிடைக்கும்? உனக்கு அந்த வாய்ப்பு கிடைச்சிருக்கு. நல்ல திட்டு நல்ல மனசார திட்டு அப்படின்னு சொல்லி எனக்கு புரிய வச்சு என்ன நடிக்க வச்சாரு சிவாஜி சார் என்று பகிர்ந்துள்ளார் நடிகர் நாசர்.

தமிழச்சி கயல்விழி!