ஆசைக்கும் பேராசைக்கும் என்ன வித்தியாசம்.....

ஆசைக்கும் பேராசைக்கும் என்ன வித்தியாசம்.....

 

ஒரு பங்களா வீட்டு நாயும் தெரு நாயும் பேசிக்கிட்டுருந்திச்சி!.....

தெரு நாய் : என்னப்பா எப்படி இருக்கே,வாழ்க்கை எல்லாம் எப்படிப் போகுது?....

பங்களா நாய்:நமக்கென்னப்பா சுகம்மா போகுது......மட்டன்,முட்டை,பிஸ்கேட்டுன்னு .....
உனக்கெப்படி.......

தெரு நாய் :: நாளொரு தெரு, பொழுதொரு குப்பத் தொட்டின்னு பொழப்பு ஓடுது!.....

பங்களா நாய்: : சுகமான வாழ்க்கப்பா உனக்கு.....

தெரு நாய் ::உனக்கென்னப்பா குறைச்சல்.....நல்ல சொகுசா நிழல்ல இருக்கே.......நேரத்துக்கு சாப்பாடு போட்டு,நோவுன்னா மருந்து குடுத்து முதலாளி நல்லா தான வச்சிருக்காரு!..

பங்களா நாய்: :அடப் போப்பா எல்லாம் கேக்க நல்லா இருக்கும் ஆனா எப்போப் பாரு கட்டிப் போட்டே வச்சிருக்காங்கே......நாலு தெருவுக்குப் போனோம் நாலு நாய்ங்களைப் பாத்து சைட் அடிச்சோம்னு இருக்கா.....என்னதான் இருந்தாலும் தெருநாய் வாழ்க்கை போல வராதுப்பா!.....

தெரு நாய் ::அப்போ எல்லாத்தையும் விட்டுட்டு என் கூட வந்துர்றியா?.......

பங்களா நாய்:: வரலாம் தான்....ஆனா.......

தெரு நாய் ::என்ன ஆனா?......

பங்களா நாய்: :இந்த வீட்டு முதலாளி சொன்ன ஒரு வார்த்தை தான் என்னைத் தடுக்குது......

தெரு நாய் :என்ன சொன்னாரு உன் முதலாளி.....நீ இல்லேன்னா செத்துப் போய்டுவேன்னாரா?..

பங்களா நாய்: :இல்லப்பா இவருக்கு ஒரு பொண்ணு இருக்கா,சும்மா சினேஹா மாதிரி செமையா இருப்பா!....

தெரு நாய் : :சரி........

பங்களா நாய்: :அவளுக்கு ஜாதகத்துல ஏழாம் வீட்ல ராகுவாம் அதனால கல்யாணத்துல ஏதோ தோஷம் வருமாம்....அப்பா சொல்றாரு!ஆனா சினேஹா சொல்லுது ஏழாம் வீட்ல ராகு இல்ல ரகு தான் இருக்காரு நன் அவரைத் தான் கல்யாணம் பண்ணிப்பேன்னு......

தெரு நாய் : சரி தானேப்பா........

பங்களா நாய்: :ஆனா முதலாளி கண்டிசனா சொல்லிட்டாரு.....அதான் யோசிக்க வேண்டியது இருக்கு.....

தெரு நாய் : என்னப்பப் போட்டுக் குழப்புற.....அப்படி என்ன தான் சொன்னாரு உன் முதலாளி ?...

பங்களா நாய்: :இல்ல......இந்த நாய்க்கு வேணாக் கட்டிக் குடுப்பேன் ஆனா அந்த ரகுவுக்குக் கட்டிக் குடுக்கவே மாட்டேன்னு சொல்லிட்டாரு........அதான் கொஞ்சம் வெய்ட் பண்றேன்.....

தெரு நாய் :டேய்.......அந்தப் பொண்ணு நினைக்குறது ஆசை.......ஆனா நீ படுறியே அது பேராசைடா .......

குடிகாரன் திருந்துவதற்கு ஒரு வழி !

குடிகாரன் திருந்துவதற்கு ஒரு வழி !

ஒரு குடிகாரன் ஞானி ஒருவரைத் தேடி அவர்
இருக்குமிடத்துக்கு வந்தான்.
“நானொரு குடிகாரன். நான் திருந்துவதற்கு ஒரு வழி
கூறுங்கள் ஐயா…” என்று கேட்டுக் கொண்டான்.
அதற்கு ஞானி, “நாளை மாலை என்னை வந்து பார்
சொல்கிறேன்”.
–
மறுநாள் மாலை குடிகாரன் ஞானியைத் தேடி வந்தான்.
அப்போது ஞானி ஒரு தூணைக் கட்டிப் பிடித்துக் கொண்டு
நின்றார். தூணைப் பார்த்து, “ஐயோ என்னை விட்டுவிடு…
விட்டுவிடு…” என்று கத்திக் கொண்டிருந்தார்.
–
உடனே குடிகாரன், “நீங்கள்தானே தூணைப் பிடித்துக்
கொண்டிருக்கிறீர்கள்? அதை விட்டுவிடுங்கள்” என்றான்.
–
உடனே ஞானி, “நான் தூணைப் பிடித்துக் கொண்டிருப்பது
போல, நீ தான் குடியைப் பிடித்துக் கொண்டிருக்கிறாய்.
நீயே விட்டுவிடு” என்றார்.
–

தர்மம் தலைகாக்கும் !

வீடு வீடாக பொருட்களை விநியோகிக்கும் அந்த சிறுவனுக்கு ரொம்ப பசித்தது. எதையாவது வாங்கி சாப்பிடலாம் என்றால் கையில் பணமே இல்லை. அருகில் இருந்த வீட்டில் ஏதாவது சாப்பிட கேட்கலாம் என்று நினைத்தான்.

அந்த வீட்டின் கதவைத் தட்டினான். ஒரு பெண் கதவைத் திறந்தாள். ஏதாவது கேட்கலாம் என்று நினைத்தான். ஆனால் கூச்சம். கேட்க மனம்வரவில்லை.

“கொ… கொஞ்சம் தண்ணி கிடைக்குமா குடிக்க?” தயக்கத்துடன் கேட்கிறான்.

அவள் சிறுவனின் கண்களில் இருந்த பசியை கவனிக்கிறாள். உள்ளே சென்றவள், ஒரு கப் பாலை கொண்டு வந்து கொடுத்தாள்.

பாலைக் குடித்து பசியாறிய சிறுவன் கேட்டான்… “நான் எவ்வளவு கடன்பட்டிருக்கிறேன்?”

“கடனா… அப்படி ஒன்றும் இல்லை. அன்பான செயலுக்கு விலை எதுவும் இல்லை என்று என் அம்மா சொல்லியிருக்கிறார்.” அவள் சிரித்துக்கொண்டே சொன்னாள்.

“ரொம்ப நன்றி…” சிறுவன் புன்னகையுடன் கடந்து சென்றான்.

ஆண்டுகள் கழிந்தன. கஷ்டப்பட்டு முட்டி மோதி படிப்பை முடித்த அந்த சிறுவன் மருத்துவம் படித்து அந்த நகரிலேயே மிகப் பெரிய டாக்டர் ஆனான்.அந்த சமயத்தில் அந்த பெண்ணுக்கோ ஒரு கொடிய நோய் வந்தது.

அவர் பணியாற்றிய மருத்துவமனையிலேயே அவளும் அனுமதிக்கப்பட்டிருந்தாள். அந்த டாக்டரிடமே அவளுடைய பரிசோதனையும் வந்தது. மெடிக்கல் ரிப்போர்ட்டில் அந்த பெண்ணின் ஊர் பெயரை பார்த்ததும் அவருக்குள் ஒரு சின்ன மின்னல். விரைவாக வார்டுக்கு போய் அந்த பெண்ணை பார்த்தார். அவள் தான். தனது பசியாற்றிய அந்த தாயுள்ளம் தான்.

அன்று முதல் தனது அத்துனை உழைப்பையும் கவனத்தையும் செலுத்தி அந்த பெண்ணுக்கு சிகிச்சை அளித்தார். நீண்ட சிகிச்சைக்கு பின்னர் அவள் குணமானாள். பல லட்சங்கள் செலவானது. மருத்துவமனை அந்த பெண்ணுக்கு ஒரு நீண்ட பில்லை அனுப்பியது. இதை எப்படி கட்டப்போகிறோமோ என்று பதட்டத்துடன் அதை பிரித்தவள் திகைத்துப் போனாள்.

அந்த பில்லின் கடைசியில் கையால் எழுதப்பட்டிருந்தது.

“இந்த பில்லை நீங்கள் செலுத்தவேண்டியதில்லை. ஒரு கப் பாலில் உங்கள் கடன் முழுதும் தீர்க்கப்பட்டுவிட்டது. இது நன்றி சொல்லும் நேரம்!”

அவளுக்கு கண்கள் பனித்தன.

அந்த சிறுவன் வேறு யாருமல்ல… அமெரிக்காவின் மிகப் பிரபல மருத்துவராக விளங்கிய DR. HOWARD KELLY (1858-1943) தான்.

நான் என்னன்னெவோ சொல்ல நினைச்சேன் முடிவுல. ஆனா கீழே பாருங்க அத்தனையையும் நம்ம வள்ளுவர் ரெண்டே வரியில சொல்லிட்டார்.

அற்றார் அழிபசி தீர்த்தல் அஃதொருவன்
பெற்றான் பொருள்வைப் புழி. (குறள் 226)

பொருள் : வறியவர்களின் பசியைப் போக்குங்கள். அது தான் செல்வம் பெற்ற ஒருவன் அது பிற்காலத்துக்கு தனக்கு உதவுமாறு சேர்த்து வைக்கும் இடமாகும்.

சி.பி.ஐ.க்கு பயிற்சி அளிக்கும் மதுரை பெண் ஸ்ரீதேவி!

சி.பி.ஐ.க்கு பயிற்சி அளிக்கும் மதுரை பெண்

இரவு சமையலுக்குத் தோசைக்குத் தொட்டுக்கொள்ள என்ன சமைப்பது என்று யோசிக்கும் இல்லத்தரசிகளில் ஒருவராக இருந்தவர்தான் மதுரையைச் சேர்ந்த ஸ்ரீதேவி. ஆனால் இல்லத்தரசி என்ற அடையாளத்தைத் தாண்டி தனக்கெனத் தனி அடையாளம் வேண்டும் என்று அவர் நினைத்ததன் விளைவு, ஸ்ரீதேவி அமெரிக்கப் பல்கலைக்கழகத்தின் பாராட்டைப் பெற்றிருக்கிறார்.

எதிர்காலத்தில் ஏதாவது சாதிக்க வேண்டும் என்ற கனவுடன்தான் பொதுவாக எல்லாப் பெண்களுமே படிப்பார்கள். ஆனால், படிப்பு முடிந்ததும் பெரும்பாலான பெண்களுக்குக் குடும்பச் சூழலால் அந்தக் கனவு கைகூடாமல் போய்விடுகிறது. எம்.பி.ஏ. படித்து முடித்ததும் ஸ்ரீதேவிக்குத் திருமணம் ஆனது. கணவர், காவல்துறை ஆய்வாளர். குடும்பம், குழந்தைகள் என்று பார்த்துக்கொண்டிருக்கும்போதே 13 ஆண்டுகள் ஓடிவிட்டன.

தேடல் தொடங்கியது

எந்தவொரு சிக்கலும் இல்லாத மிக இனிமையான வாழ்க்கை ஸ்ரீதேவிக்கு. இருந்தாலும் தனக்கென ஒரு அடையாளத்தை ஏற்படுத்திக்கொள்ள விரும்பினார். வீட்டை விட்டு வேலைக்காக வெளியே செல்லத் தயக்கம். அதனால் வீட்டில் இருந்தபடியே ஏதாவது சிறுதொழில் செய்யலாம் என முடிவெடுத்தார். பட்டு மற்றும் தோல் பொருட்களைத் தயாரித்து விற்பனை செய்யத் தொடங்கினார். படிப்படியாக டென்மார்க், ஆஸ்திரேலியா, இலங்கை போன்ற நாடுகளுக்கு அவற்றை ஏற்றுமதி செய்யும் அளவுக்குத் தொழில் முனைவோராக உயர்ந்தார். தங்களுக்கும் தொழில்முனைவோர் பயிற்சியளிக்க வேண்டும் என்று பல பெண்கள் ஸ்ரீதேவியைத் தேடி வந்தனர்.

“எதையுமே முறைப்படி கத்துக்கிட்டாதான் அடுத்தவங் களுக்குப் பயிற்சியளிக்க முடியும். அதனால அமெரிக்காவின் நெவாடா மாகாணத்தில் உள்ள ரீனோ பல்கலைக்கழகத்தில் பயிற்சி பெற்றேன். சிறுதொழில் முன்னேற்றம் பற்றி மற்றவர்களுக்குப் பயிற்சியளிப்பது எப்படின்னு அங்கே கத்துக்கிட்டேன். இந்தப் பயிற்சியில என்னுடன் முப்பது பேர் பயிற்சி எடுத்துக்கிட்டாங்க. அதுல நான் முதலாவதாகத் தேர்ச்சி பெற்று அந்தப் பல்கலைக்கழகத்தின் பாராட்டுச் சான்றும் விருதும் பெற்றேன்” என்று சொல்லும் ஸ்ரீதேவி, அதன் பிறகு பெண்களுக்குத் தொழில்முனைவோர் பயிற்சியளிக்கத் தொடங்கினார். ஸ்ரீதேவி அளித்த பயிற்சியால் மதுரையைச் சேர்ந்த பல பெண்கள் சுய தொழில் தொடங்கி, வெற்றிகரமாகச் சாதிக்கத் தொடங்கியுள்ளனர்.

மென்திறன் பயிற்சி

தொழில் முனைவோர் பயிற்சியில் மட்டுமல்லாமல் மென் திறன் பயிற்சியளிப்பதிலும் இவர் தேர்ந்தவர். அந்தத் திறமை, இவருக்கு கவுரவப் பேராசிரியர் என்ற தகுதியையும் பெற்றுத் தந்திருக்கிறது. டெல்லியில் இருக்கும் சி.பி.ஐ. பயிற்சி அகாடமியில் புதிதாகப் பணியில் சேரும் சி.பி.ஐ. அதிகாரிகளுக்கு மென்திறன் பயிற்சியளித்துவருகிறார் இவர்.

“அலுவலகத்தில், அதிகாரிகளிடம் பேசும் விதம், நேர்முகத் தேர்வில் கலந்துகொள்வது, குழு மனப்பான்மை, தனக்குக் கீழ் பணியாற்றுபவர்களை எப்படி உற்சாகப்படுத்துவது போன்றவற்றை உள்ளடக்கியதுதான் இந்த மென் திறன் பயிற்சி. டெல்லியில் உள்ள சிபிஐ அகாடமியில் கடந்த சில ஆண்டுகளாக இந்தப் பயிற்சியை அளித்துவருகிறேன். பொதுவா ஓய்வு பெற்ற நீதிபதிகள், போலீஸ் அதிகாரிகள்தான் சி.பி.ஐ.-யில் இந்தப் பயிற்சியை அளிப்பார்கள். அவர்களைத் தவிர்த்து மற்றவர்களுக்கு இங்கே இடமில்லை. ஆனால் இப்படியொரு வாய்ப்பு முதல் முறையாக எனக்குக் கிடைத்திருப்பது மகிழ்ச்சி தருகிறது” என்று பூரிப்புடன் சொல்கிறார் ஸ்ரீதேவி.

புற்றுநோய் விழிப்புணர்வு

புற்றுநோயிலிருந்து பெண்களைக் காப்பாற்றுவது எப்படி என்பது குறித்து, ‘சேவ் விமன்’ (Save Women) என்ற இவரது திட்டத்துக்கு வெளி நாட்டில் நிதியுதவி கிடைத்தது.

“அமெரிக்காவில் இருந்து மதுரை வந்ததும் 10 கிராமங்களைச் சேர்ந்த பத்தாயிரம் பெண்களைச் சந்தித்தேன். அவர்களிடம் மார்பகப் புற்றுநோய், கர்ப்பப்பை, வாய் புற்றுநோய் குறித்துப் பேசினேன். அவர்களில் பலருக்குப் புற்றுநோய்க்கான அறிகுறிகள் இருப்பதைக் கண்டுபிடித்தேன். புற்றுநோய் பற்றிய விழிப்புணர்வு இல்லாததால் அந்த அறிகுறியைப் பற்றிக் கவலைப்படாமல் இருந்தனர். அப்படியே தெரியவந்தாலும் மருத்துவமனைக்குச் சென்று சிகிச்சை பெற அவர்களுக்கு ஒருவிதத் தயக்கம். தன்னைக் காப்பாற்றிக்கொள்வதைவிட தங்களுக்கு வந்திருக்கும் நோய் அடுத்தவர்களுக்குத் தெரியக் கூடாது என்றே பலரும் நினைத்தனர்” என்று மக்களிடம் பரவிக் கிடக்கும் அறியாமையை குறித்து கவலைப்படுகிறார்.

“புற்றுநோய்க்கு ஆரம்ப கட்டத்தில் சிகிச்சை பெற்றால் வாழ்நாளை நீட்டித்துக்கொள்ளலாம். முப்பது வயதுக்கு மேற்பட்ட பெண்கள் கண்டிப்பாகப் புற்றுநோய் பரிசோதனை செய்துகொள்ள வேண்டும்” என்கிறார் ஸ்ரீதேவி.

ஒரு புறம் ஆரோக்கியம் பற்றிய விழிப்புணர்வு, மறுபுறம் மென் திறன் பயிற்சிகள் என்று பரபரப்பாக இயங்கிக்கொண்டிருக்கிற ஸ்ரீதேவி, எந்த வயதிலும் சாதிக்கலாம் என்பதற்கு சாட்சி.



தவறாகப் பொருள் கொள்ளப்படும் பழமொழிகளும் அதன் சரியான அர்த்தங்களும் ...!

தவறாகப் பொருள் கொள்ளப்படும் பழமொழிகளும் அதன் சரியான அர்த்தங்களும் ...!

1.ஆயிரம் பொய் சொல்லி ஒரு கல்யாணத்தப்
பண்ணு...  தப்புங்க தப்பு,,,
ஆயிரம் பேரிடம் போய் சொல்லி ஒரு கல்யாணத்தப் பண்ணு...
இதாங்க சரி...

2.படிச்சவன் பாட்டைக் கெடுத்தான்,
எழுதுனவன் ஏட்டைக் கெடுத்தான்....
இதுவும் தப்பு, சரியானது என்னன்னா ...........
படிச்சவன் பாட்டைக் கொடுத்தான் ,
எழுதுனவன் ஏட்டைக் கொடுத்தான் ....

3.ஆயிரம் பேரை கொன்றவன் அரை வைத்தியன்...
இது பேரை அல்ல வேரை (மூலிகை வேரை )
ஆயிரம் வேரை கொன்றவன்
அரை வைத்தியன்.......

4.நல்ல மாட்டுக்கு ஒரு சூடு ....
சூடு அல்ல சுவடு...
சந்தையில் மாட்டை வாங்கும்போது அது பதிக்கும் தடம் சுவடு.. அழுத்தமான சுவட்டை பதிக்கும்
மாடே அதிக பலம் வாய்ந்தது...
ஒரு சுவட்டை பார்த்தாலே மாட்டின் பலம்
புலனாகும்....

5.அற்பனுக்கு வாழ்வு வந்தால் அர்த்த
ராத்திரியில் கொடை புடிப்பான்....
அர்பணித்து வாழ்ந்து வந்தால் அர்த்த
ராத்திரியிலும் கொடை கொடுப்பான்....
வள்ளல் ஆனவரை கஞ்சனாக
மாற்றி விட்டோம் ...
காலப்போக்கில்....

நம் முன்னோர்கள் நம் நல்வாழ்வுக்காக
சொல்லி வைத்ததை நாம் பிறரைக் குறை கூற
உபயோகிக்கிறோம்...
மாறுவோம்... பிறரை மாற்றுவோம்...

 

Thanks to R.P.Karthik